ಟಾ-ಟಾ ಡಬ್ಲ್ಯೂಪಿ ಎಲ್-2026 ಆವೃತ್ತಿಯ 13 ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳ ಹಣಾಹಣಿಯಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಮುಂಬೈ ಇಂಡಿಯನ್ಸ್ ತಂಡವು ನಿಗಧಿತ 20 ಓವರ್ ಗಳಲ್ಲಿ 5 ವಿಕೇಟ್ ಗಳನ್ನು ಕಳೆದುಕೊಂಡು 154 ರನ್ ಗಳನ್ನು ಗಳಿಸಿತು. ಆರಂಭಿಕರಾದ ಹೇಲಿ ಮ್ಯಾಥೂಸ್ ಮತ್ತು ಸಜನಾ ರವರ ಜೋಡಿಯು ಅಷ್ಟೇನೂ ತೃಪ್ತಿಕರವಾದ ಆರಂಭವನ್ನು ಪಡೆಯಲಿಲ್ಲ. ಡೆಲ್ಲಿ ತಂಡದ ವೇಗದ ಬೌಲರ್ ಗಳಾದ ನಂದಿನಿ ಶರ್ಮಾ ಮತ್ತು ಮಾರಿಜಾನ್ ಕಾಪ್ ರವರು ಅತ್ಯಂತ ಕರಾರುವಾಕ್  ಬೌಲಿಂಗ್ ದಾಳಿಯನ್ನು ನಡೆಸಿ ಎದುರಾಳಿ ತಂಡದ ಬ್ಯಾಟರ್ ಗಳನ್ನು ಕಟ್ಟಿಹಾಕಿದರು. ಇದರಿಂದಾಗಿ ಮುಂಬೈ ಇಂಡಿಯನ್ಸ್ ತಂಡವು ಪವರ್ ಪ್ಲೇ ನ ಮುಕ್ತಾಯಕ್ಕೆ 6 ಓವರ್ ಗಳಲ್ಲಿ 23 ರನ್ ಗಳನ್ನು ಮಾತ್ರ ಗಳಿಸಿತ್ತು. ಹಾಗೂ 2 ವಿಕೇಟ್ ಗಳನ್ನು ಕಳೆದುಕೊಂಡಿತ್ತು.